گندے پانی کے سبب زائرین کو سخت مشکلات کا سامنا، مقامی لوگوں کا احتجاج

ملک کے ممتاز درگاہ اجمیر شریف کے نظام گیٹ کے باہر زائرین کو گندے پانی سے ہو کر گزرنا پڑ رہا ہے۔ اس صورتحال کی وجہ سے مقامی لوگوں نے میونسپل کارپوریشن انتطامیہ کے خلاف مظاہرہ کیا۔

حضرت خواجہ معین الدین حسن چشتیؒ کی درگاہ اجمیر شریف پہنچنے والے زائرین کو بہت مشکلات کا سامنا کرنا پڑ رہاہے، درگاہ شریف کے نظام گیٹ کے باہر گندا نالی کا پانی بہنے کی وجہ سے، زائرین کو گندے پانی سے ہو کر گزرنا پڑ رہا ہے۔

اس صورتحال کے پیش نظر مقامی لوگوں نے میونسپل کارپوریشن انتظامیہ کے خلاف مظاہرہ کیا، مظاہرین کا الزام تھا کی میونسپل کارپوریشن انتظامیہ گندے نالے کے پانی کا مستقل حل نہیں نکال رہی ہے، ایسے میں اجمیر درگاہ کی زیارت کو آنے والے ہزاروں عقیدت مندوں کو ناپاک پانی سے ہوکر زیارت کے لیے جانا پڑ رہا ہے۔

مقامی لوگوں کا یہ بھی الزام ہے کی میونسپل کارپوریشن کا عملہ ان کی فریاد نہیں سنتا، جس کی وجہ سے نمازیوں کے ساتھ راہگیروں کو بھی دشواریوں کا سامنا کرنا پڑ رہا ہے۔

مقامی لوگوں کا یہ بھی کہنا ہے کہ اگر اس مصیبت سے جلد نجات نہیں ملتی ہے، تو میونسپل کارپوریشن انتظامیہ کے خلاف احتجاجی مظاہرہ کیا جائے گا اور منظم تحریک چلائی جائے گی۔