مرکزی حج کمیٹی آئندہ برس سفرحج پر رخ واضح کرے

عالمی وباء کورونا وائرس کے سبب رواں برس بھارتی عازمین حج کے لئے سفرحج کو منسوخ کردیا گیا ہے، رواں برس وہاں کے مقامی شہریوں کو صرف حج کی اجازت دی گئی ہے۔

ایسے میں راجستھان ویلفیئر سوسائٹی سمیت راجستھان کی مسلم تنظیموں کی جانب سے یہ مطالبہ کیا جا رہا تھا کہ سنہ 2021 میں قرعہ نہیں نکالا جائے، اس مطالبہ کو لے کر راجھستان ہاؤس میں احتجاج بھی کیا گیا تھا۔

اس تعلق سے راجستھان کی مسلم عوام کے اس بڑے مطالبہ کو لے کر ریاستی حکومت میں اقلیتی وزیر صالح محمد کی جانب سے مرکزی اقلیتی وزیر مختار عباس نقوی کو ایک خط لکھا گیا ہے، خط میں یہ مطالبہ کیا گیا ہے کہ اس بار جن لوگوں کا نمبر قرعہ میں آیا تھا انہیں آئندہ برس 2021 میں بغیر قرعہ اندازی کے انہیں ہی حج کے مقدس سفر پر بھیجا جائے اور ان کو ہی توجہ دی جائے۔

مرکزی حج کمیٹی آئندہ برس سفرحج کے تعلق سے اپنا رخ واضح کرے

انہوں نے خط میں یہ بھی مطالبہ کیا کہ آئندہ برس کسی طرح کا کوئی قرعہ نہیں نکالا جائے، خط میں لکھا گیا ہے کہ ہم آپ سے یہ گزارش کرتے ہیں کہ ہمارے اس مطالبے کی جانب توجہ دی جائے اور مرکزی حج کمیٹی کو یہ گائیڈ کیا جائے کہ آئندہ برس سفر حج کے تعلق سے اپنا رخ واضح کرے۔