Rajasthan Para Teachers Protest In Jaipur: جے پور میں مدرسہ پیرا ٹیچرز پر لاٹھی چارج

راجستھان کے مدرسوں میں ہندی، انگریزی سمیت دیگر سبجیکٹ کے مدرسہ پیرا ٹیچرز Rajasthan Para Teachers ملازمت کو مستقل کرنے کو لے کر جمعرات کے روز قومی دارالحکومت دہلی کوچ کرنے والے تھے، لیکن دہلی کوچ کرنے سے پہلے ہی ان تمام لوگوں کو جے پور میں پولیس نے روک لیا۔

اس دوران پولیس اور مظاہرین کے درمیان جھڑپ ہو گئی ہے۔ پولیس کی جانب سے کیے گئے لاٹھی چارج میں کئی مدرسہ پیرا ٹیچرز زخمی Madrassa para Teachers Injured ہوگئے، اس دوران تمام مدرسہ پیرا ٹیچر کی جانب سے راجستھان حکومت کے خلاف جم کر نعرے بازی کی گئی۔

پیرا ٹیچرز نے کہا کہ پولیس کے دم پر جس طرح سے ہمیں روکا جا رہا ہے، ہم رکنے والے نہیں ہیں۔'

اس دوران احتجاج کر رہے شمسیر خان نے کہا کہ ہم لوگوں نے 30 دسمبر کو دارالحکومت دہلی کوچ کا اعلان کیا تھا، لیکن جس طرح سے آج پولیس نے ہم لوگوں کو روک لیا ہے زیادتی ہے۔