اجمیر درگاہ میں دوبارہ شروع ہوا خواجہ کا لنگر

ریاست راجستھان میں گزشتہ سال کووڈ 19 کے تحت مارچ مہینہ سے اجمیر شریف درگاہ میں منسوخ کیے گئے لنگر کو بحال کر دیا گیا ہے۔ خاص اور عام زائرین کو اب بادشاہ اکبر اور جہانگیر کی دیگوں میں بنایا گیا سبزی خور لنگر دوبارہ دستیاب ہو گا۔ ایسے میں اب ان زائرین کا بھی انتظار ختم ہوگیا ہے، جو منت پوری ہونے پر دیگ میں لنگر پکانے کی خواہش رکھتے ہیں۔

اجمیر شریف درگاہ کے ناظم اشفاق حسین کے مطابق کووڈ 19 کے مدنظر لنگر کی دیگ اب بک کیا جانا تو شروع کر دیا گیا ہے، لیکن بذریعہ درگاہ کمیٹی آئندہ برس تک کی دیگیں بک کی جا چکی ہے۔ ایسے میں اب کسی عقیدت مند کو دیگ پکوانی ہیں تو اسے ایک سال کا انتظار کرنا ہوگا۔

غورطلب ہے کہ حضرت خواجہ غریب نوازؒ کی بارگاہ میں دو بڑی دیگیں ہیں، جس میں چھوٹی دیگ میں سوا سو من اور بڑی دیگ میں ڈھائی من لنگر پکایا جاتا ہے۔

خاص بات یہ ہے کہ اس دیگ میں کبھی بھی گوشت استعمال نہیں کیا جاتا ہے، بلکہ تمام عقیدت مندوں کا خیال رکھ کر سبزی کا ہی لنگر بنایا جاتا ہے۔