کورونا سے ہلاک ہونے والے لوگوں کی تدفین کے لیے جگہ کی کمی

عالمی وبا کورونا وائرس کے معاملے میں تیزی سے اضافہ ہو رہا ہے۔ کورونا کی دوسری لہر خطرناک رخ اختیار کرتی جا رہی ہے۔ راجستھان کی دارالحکومت جے پور میں بھی لوگ کورونا سے بڑی تعداد میں ہلاک ہو رہے ہیں۔

گذشتہ روز راجستھان میں 50 سے زیادہ جنازے مختلف قبرستانوں میں سپرد خاک ہونے کے لیے پہنچے۔ اتنے زیادہ جنازے پہنچنے کی وجہ سے اب قبرستان میں جگہ کی کمی بھی ہونے لگی ہے۔

قبرستانوں میں اپنی خدمات انجام دے رہے لوگ حکومت سے مطالبہ کر رہے ہیں کی کورونا وبا سے متاثر ہو کر ہلاک ہونے والے لوگوں کے لیے جگہ کا انتظام کیا جائے۔

دارالحکومت جے پور کے گھاٹ گیٹ علاقے میں واقع قبرستان میں اپنی خدمات انجام دینے والے جاوید پٹھان کا کہنا ہے جس طرح سے روزانہ پانچ سے دس جنازے جے پور کے ایک ہی قبرستان میں سپرد خاک ہونے کے لیے پہنچ رہے ہیں۔

اسے دیکھتے ہوئے حکومت کو الگ سے زمین کورونا وبا سے ہلاک ہونے والے لوگوں کے لیے مختص کر دینی چاہیے۔