درگاہ کے خادموں نے عرس کی رسم و رواج کے مطابق اپنی تیاری شروع کر دی ہیں، ڈاک، ای میل اور وہاٹس ایپ کے ذریعے کوویڈ19 کی گائڈ لائن کے تحت عرس کا دعوت نامہ بھیجا گیا ہے، خاص بات یہ ہے کہ بالی ووڈ کی جانب سے 14 فروری کو خواجہ معین الدین چشتی کے عرس کے موقعے پر چادر پیش کی جائے گی۔
خادم سید قطب الدین سخی کے مطابق بالی ووڈ کی تمام چھوٹی بڑی ہستیاں خواجہ غریب نواز میں بیحد عقیدت رکھتی ہیں، اسی کے مدنظر بالی ووڈ کے ستاروں کو عرس کا خاص دعوت نامہ بھیجا گیا ہے۔
اسلامی ماہ جمادالثانی کی پچیس تاریخ کو 809واں عرس کی پرچم کشائی کی رسم ادا کی جائے گی، جبکہ پہلی رجب سے عرس مبارک کا آغاز ہوگا، اس کے بعد تین رجب کو بالی ووڈ کی جانب سے پیش کی گئی چادر کی پیشی ہوگی، اس کے بعد 9 رجب یعنی 22 فروری کو بڑے کل کی رسم کے ساتھ عرس اختتام پذیر ہوگا۔