جودھ پورمیں بھیانک سڑک حادثہ، 11 افراد ہلاک

اطلاع ملنے کے بعد موقع پر پولیس پہنچی اور کرین کی مدد سے پک اپ وین میں پھنسے لوگوں کی لاشوں کوباہر نکالنے کا کام کیا۔

ریاست راجستھان کے شہر جودھ پور میں میں واقع شیر گڑھ میں ٹرولی اور پک اپ وین کے مابین ٹکر میں 11 افراد ہلاک ہوگئے۔ جبکہ تین افراد شدید زخمی ہوگئے۔

حادثہ کی اطلاع ملنے کے بعد ضلعی کلکٹر اور ایس پی موقع پر پہنچے۔

معلومات کے مطابق ٹرولی اور پک اپ کی ٹکر اتنی زور دار تھی کہ پک اپ وین میں سوار 11 لوگوں کی موقع پر ہی موت ہوگئی جبکہ 3 افراد شدیدی زخمی ہوگئے ۔

واقعے کی اطلاع پر پولیس پہنچی اور کرین کی مدد سے پک اپ وین میں پھنسے لوگوں کی لاشیں نکالنے کا کام کیا۔

یہ واقعہ ضلع کے شیر گڑھ علاقے کے سوئینترا گاؤں کے قریب پیش آیا۔