کسانوں کی حمایت میں جماعت اسلامی ہند کا وفد شاہ جہاں پور بارڈر پہنچا

ریاست راجستھان میں جماعت اسلامی ہند کے عہدیدران اور ذمہ داران مظاہرہ کر رہے کسانوں کی حمایت میں شاہ جہاں پور بارڈر پر پہنچے۔

جماعت اسلامی ہند راجستھان کے ریاستی صدر ناظم الدین کی قیادت میں یہ وفد شاہ جہاں پور بارڈر پر پہنچا اور کسانوں کی حمایت کا اعلان کیا۔

وہیں مرکزی حکومت سے یہ مطالبہ کیا گیا کہ زرعی قوانین کو واپس کیا جائے اور کسانوں کی باتیں سنی جائیں نیز ان کے خدشات کو دور کیا جائے۔ اگر ایسا نہیں کیا گیا تو کسانوں کے ساتھ ساتھ پورے ملک کو بڑے نقصان کا سامنا کرنا پڑ سکتا ہے، یہ قانون کسانوں کے حق میں نہیں ہے اس لیے اس قانون کو فوراً واپس لیا جائے۔

واضح رہے کہ مرکزی حکومت کی جانب سے پارلیمنٹ میں تین زرعی قوانین کو جب پاس کیا جا رہا تھا اسی وقت سے جماعت اسلامی ہند کی جانب سے اس بات کا اعلان کر دیا گیا تھا کہ یہ قانون کسانوں کے حق میں نہیں ہے اور وہ ان قوانین کی مخالفت کرتے ہیں اور اسے واپس لینے پر زور دیتے ہیں۔