جے پور میں موتی ڈونگری روڈ علاقے کے نیلا ہاؤس کے سامنے کے گلی میں دو گروپز میں ہوئی جھڑپ کے بعد ایک دوسرے پر پھتراؤ بھی کیا گیا جس میں کئی لوگ زخمی ہوگئے۔
دونوں گروپوں کی جانب سے ایک دوسرے پر پھتراؤ کے نتیجہ میں متعدد گاڑیوں کو بھی نقصان پہنچا جبکہ پھتراؤں کے نتیجے میں ہونے والے زخمیوں کا جے پور کے سوائی مانسنگھ ہسپتال میں علاج کیا جارہا ہے۔
جھڑپ کے بعد پورے علاقہ کو پولیس چھاونی میں تبدیل کردیا گیا۔ پولیس کے اعلیٰ عہدیداروں نے بھی علاقہ کا دورہ کرکے حالات کا جائزہ لیا۔ آدرس نگر اسمبلی حلقے کے رکن اسمبلی رفیق خان نے بھی موقع پر پہنچے کر حالات کا جائزہ لیا اور مقامی لوگوں سے ملاقات کی۔
رکن اسمبلی رفیق خان نے ای ٹی وی بھارت سے بات کرتے ہوئے بتایا کہ علاقہ میں دو گروپز کے درمیان جھگڑے کے بعد جھڑپ میں متعدد لوگ زخمی ہوگئے۔ پولیس نے فوری طور پر کاروائی کرتے ہوئے حالات پر کنٹرول کرلیا۔ انہوں نے کہا کہ فی الحال صوررتحال قابو میں ہے اور پولیس کی جانب سے پورے معاملہ کی جانچ کا کام بھی شروع ہوچکا ہے۔ رکن اسمبلی نے بتایا کہ تشدد میں ملوث افراد کے خلاف سخت کاروائی کی جائے گی۔