جے پور میں تین روزہ سب انسپکٹر امتحانات مکمل

راجستھان میں گزشتہ تین روز سے چل رہے سب انسپکٹر امتحان آج مکمل ہوئے۔

سب انسپکٹر امتحان کے بعد جے پور ریلوے اسٹیشن اور سندھی بس اسٹینڈ پر کثیر تعداد میں طلبا کا ہجوم نظر آیا جو امتحان دینے کے بعد واپس اپنے گھروں کو روانہ ہو رہے تھے۔

اس تناظر میں انتظامات کو بہترین بنانے کے لیے راجستھان پولیس، ٹریفک پولیس، آر اے سی کے جوان اور ہوم گارڈ سمیت دیگر لوگ موجود تھے تاکہ طلبہ کو کسی بھی قسم کی پریشانی کا سامنا نہ کرنا پڑے۔

اس دوران اے سی پی نواب خان نے ای ٹی وی بھارت کو بتایا کہ جے پور میں تین روزہ سب انسپکٹر امتحانات مکمل ہوئے۔ اس امتحان میں شریک ہونے کے لیے ریاست کے مختلف اضلاع سے طلبا جے پور پہنچے تھے۔ اب جب کہ امتحانات مکمل ہوگئے تو یہ اپنے گھروں کی جانب روانہ ہو رہے ہیں اسی لیے انہیں کسی کی قسم کی پریشانی نہ ہو اس کے لیے ریلوے اور بس اسٹیشن پر سکیورٹی انتطامات کئے گئے ہیں۔