جمعہ کے روز بعد نماز جمعہ اترپردیس شیعہ وقف بورڈ کے سابق چیئرمین وسیم رضوی کے خلاف جے پور میں شیعہ برادری کی جانب سے احتجاجی مظاہرہ کیا جائے گا۔
احتجاجی مظاہرہ کرنے کے بعد ایک میمورنڈم بھی دیا جائے گا۔ اس بات کا اعلان جے پور میں شیعہ برادری کی میٹنگ میں کیا گیا ہے۔
پورے معاملے کو لے کر شیعہ جامع مسجد کے امام نازش اکبر کاظمی کا کہنا ہے کہ جس طرح سے نبی کی شان میں وسیم رضوی نے گستاخی کی ہے وہ ناقابل برداشت ہے۔ کل جمعہ کے بعد ایک مارچ نکالا جائے گا، مارچ نکالنے کے بعد جے پور کمشنر اور راجستھان کے گورنر کےنام ایک میورنڈم دیا جائے گا۔
یہ بھی پڑھیں:جے پور: مدرسہ پیرا ٹیچرز نے کانگریس دفتر کا گھیراؤ کیا
انہوں نے کہا کہ کل جے پور میں وسیم رضوی کے خلاف پولیس تھانے میں ایف آئی آر بھی درج کروائی جائے گی۔ ان کا کہنا ہے کہ وسیم رضوی کو تو بس مہرا بنایا گیا ہے۔ اس کی ٹیم میں جو لوگ شامل ہیں ان تمام لوگوں کا کل تقریر میں انکشاف کیا جائے گا۔