جےپور: کونسلر کی جانب سے رکن اسمبلی کے خلاف احتجاجی مظاہرہ

ریاست راجستھان کے دارالحکومت جے پور کے آدرش نگر اسمبلی حلقے سے کانگریس پارٹی کے رکن اسمبلی رفیق خان کے خلاف ان کی ہی پارٹی کے جے پور ہیریٹیج کے وارڈ 86 کے کونسلر عمردراز نے محاذ کھول دیا ہے۔

راجستھان کے دارلحکومت جےپور ہیر ٹیج وارڈ نمبر86 کے پارشد عمر دراز نے اپنے ہی پارٹی کے رکن اسمبلی رفیق خان کے خلاف احتجاج کرتے ہوئے نعرہ بازی کی۔

اس احتجاجی ریلی میں شامل تمام لوگوں نے اپنے ہاتھوں میں کالا پرچم لےکر رکن اسمبلی رفیق خان کے خلاف جم کر نعرہ بازی کی۔

اس معاملے کو لے کر کونسلر عمردراز کا کہنا ہے کہ میرے علاقے میں کسی تقریب کا افتتاح ہورہا تھا ۔اور اس تقریب کا افتتاح کرنے رکن اسمبلی پہنچے تھے۔ لیکن مجھے اس بارے میں کوئی اطلاع نہیں دی گئی تھی جوکہ نامناسب ہے ۔

انہوں نے کہا کہ اسی بات کو لے کر میں اپنی برہمی کا اظہار کرتے ہوئے رکن اسمبلی کے خلاف احتجاجی مظاہرہ کیا -

انہوں نے مزید کہا کہ متستقبل میں مذکورہ علاقوں میں اگر کسی بھی تقریب یا کسی چیز کا افتتاح ہوتو انہیں ضرور اطلاع کریں۔ ورنہ اس طرح کے احتجاج کئے جائیں گے۔

اس احتجاجی مظاہرہ میں مقامی باشندوں کی کثیر تعداد موجود تھی۔