جے پور میونسپل کارپوریشن انتخابات: ووٹوں کی گنتی جاری

جے پور میونسپل کارپوریشن انتخابات کی ووٹوں کی گنتی جاری ہے۔ ابھی تک کانگریس نے 47 سیٹ جیت کر سب سے آگے ہے۔ بی جے پی نے 12 سیٹ جیت لی ہے۔ وہیں، آزاد امیدوار کے طور پر 11 لوگوں نے کامیابی حاصل کی ہے۔

ریاست راجستھان کے جے پور ہیریٹیج اور گریٹر میونسپل کارپوریشن کے دو مرحلوں میں ہوئے انتخابات کے ووٹوں کی گنتی جاری ہے۔ صبح 9 بجے سے ووٹوں کی گنتی شروع ہوئی ہے اور ابھی گنتی جاری ہے۔ جے پور ہیریٹیج میونسپل کارپوریشن کے 100 وارڈز میں کانگریس 47، بی جے پی 12 اور آزاد امیدوار 11 نے جیت حاصل کی ہے۔ وہیں، گریٹر میونسپل کارپوریشن کے نتائج ابھی آنے باقی ہیں۔

جس طرح سے جے پور ہیریٹیج میونسپل کارپوریشن کے نتائج جاری ہوئے ہیں، اس سے اندازہ یہی لگایا جارہا ہے کہ میئر کانگریس پارٹی کا ہی بن سکتا ہے۔ کیونکہ زیادہ تر آزاد امیدواروں نے جیت حاصل کی ہے۔ وہ تمام لوگ کانگریس پارٹی سے تعلق رکھتے ہیں اور انہیں ٹکٹ نہیں دیا گیا تو انہوں نے آزاد امیدوار کے طور پر میدان میں اپنی قسمت آزمائی۔ حالانکہ میئر کے لیے انتخاب 6 نومبر کو ہوں گے۔

جے پور میونسپل کارپوریشن انتخابات: ووٹوں کی گنتی جاری

انتخابات کے نتائج جاری ہونے کے بعد جہاں ایک جانب بی جے پی نے اپنے امیدواروں کو ہوٹل میں قید کر دیا ہے تو وہیں، دوسری جانب کانگریس پارٹی کے رہنما بھی جو کانگریس پارٹی سے بغاوت کرکے انتخابات میں اترے تھے، ان لوگوں سے بات کرنے کی کوشش کر رہی ہے۔

جے پور میونسپل کارپوریشن انتخابات: ووٹوں کی گنتی جاری

واضح رہے کہ راجستھان کے کئی شہروں میں دفعہ 144 نافذ ہے۔ جن امیدواروں نے انتخابات میں جیت حاصل کی ہے وہ تمام امیدوار اپنے ساتھیوں کے ساتھ جلوس نکال رہے ہیں۔ لیکن پھر بھی کوئی کارروائی ان رہنماؤں پر نہیں ہو رہی ہے۔