راجستھان کے دار الحکومت جے پور کے شہید اسمارک پر مستقل ملازمت کے مطالبہ پر غیرمعینہ دھرنا دے رہے راجستھان مدرسہ پیرا ٹیچرز، راجیو گاندھی پیرا ٹیچرز اور شکشا کرمیوں کی جانب سے منگل کے روز ہاتھ میں مشعل لے کر شہید اسمارک کا چکر لگانا شروع کر دیا گیا۔ چکر لگانے کا یہ عمل رات کو آٹھ بجے شروع کیا گیا اور صبح 6 بجے تک مسلسل جاری رہا۔
مدرسہ پیرا ٹیچرز نے شہید اسمارک کا چکر لگانا شروع کیا واضح رہے کہ مستقل ملازمت کے مطالبہ پر راجستھان مدرسہ پیرا ٹیچرز، راجیو گاندھی پیرا ٹیچرز اور شکشا کرمی 15 اکتوبر سے احتجاج کر رہے ہیں۔
یہ بھی پڑھیں:اجمیر: مال بردار گاڑی کی زد میں آنے سے نوجوان ہلاک
شہید اسمارک پر غیر معینہ مدت کے دھرنے کےباوجود راجستھان حکومت نے ان کی جانب توجہ نہیں دی۔ ان لوگوں نے شہید اسمارک پر انشن شروع کر دیا تھا، لیکن ابھی تک حکومت کی طرف سے کوئی بات سامنے نہیں آئی۔
مظاہرین کی جانب سے روزانہ الگ الگ طریقے سے راجستھان حکومت کی مخالفت کی جا رہی ہے۔ راجستھان مدرسہ پیرا ٹیچرز تنظیم کے ریاستی صدر اعظم خان پٹھان کا کہنا ہے کہ 'ہم لوگوں نے اپنی فریاد راجستھان حکومت تک پہنچانے کے لیے ہر کوشش کر لی لیکن حکومت ہم لوگوں کی فریاد سننے کے لیے تیار نہی ہے۔ اس لیے اب ہم لوگ حکومت کو وارننگ دیتے ہیں کہ وہ ہمارے مطالبے پر توجہ دے ورنہ انجام بھگتنے کے لیے تیار رہیں۔
