جے پور: سابق میئر کے شوہر رشوت لینے کے الزام میں گرفتار

ریاست راجستھان کے گریٹر جے پور نگر نگم کی سابق میئر سومیا گرجر کے شوہر راجا رام کو اینٹی کرپشن بیورو(اے سی بی) نے رشوت لینے کے الزام میں گرفتار کیا ہے۔

سابق میئر سومیا گُرجر کے شوہر راجا رام گرجر کو آج اے سی بی رشوت لینے کے معاملے میں پوچھ تاچھ کے لیے بلایا تھا تاہم انہیں گرفتار کر لیا گیا ہے۔

تفصیلات کے مطابق راجا رام گجر کا ایک ویڈیو وائرل ہو رہا ہے جس میں انہیں بی وی جی کمپنی سے رشوت لیتے ہوئے دیکھا گیا تھا۔ اس معاملے کو اے سی بی نے سنجیدگی سے لیتے ہوئے یہ کارروائی کی جبکہ بی وی جی کپمنی کے ایک ملازم کو بھی گرفتار کیا گیا ہے۔