Jaipur Bandh : جے پور بند کا بڑے پیمانے پر اثر، ملزمین کو پھانسی دینے کا مطالبہ

ادے پور میں کنہیالال ٹیلر قتل کے خلاف آج ہندوتو تنظیموں کی جانب سے جے پور بند کا اعلان کیا گیا۔ جےپور بند کا اثر ضلع بھر میں نظر آیا۔ Jaipur Bandh Today

ادے پور میں ہوئے کنہیالال کے قتل کے خلاف جے پور بند کا اعلان Jaipur Bandh Todayکیا گیا تھا، جس کے بعد آج پورا جے پور بند نظر آیا۔ جے پور کے باپو بازار، ڈرا مارکیٹ، جوہری بازار، بڑی چوپڑ بازار، چھوٹی چوپڑ، رام گنج بازار، کربلا بازار سمیت دیگر مارکیٹ بند نظر آئے۔

اس دوران مختلف تنظیموں کے عہدہ داران سڑکوں پر اترے اور راجستھان حکومت کے خلاف جم کر نارے بازی کی۔ اس دوران انہوں نے کنہیالال ٹیلر کے قاتلوں کو پھانسی کی سزا دینے کا مطالبہ کیا۔ اس موقع پر لوگوں نے کہا کہ جس طرح سے یہ پورا معاملہ دل کو دہلا دینے والا ہے، اس لیے ہم لوگ سڑکوں پر اترے ہیں۔ Jaipur Bandh Successful

وہیں بند کے اعلان کے بعد سے ہی صبح سے دارالحکومت جے پور میں پولیس کافی مستحد نظر آئی، باقاعدہ جگہ جگہ پر بیریکیٹنگ لگائی گئی تھی، چپہ چپہ پر پولیس اہلکار تعینات نظر آئے۔ وہیں سول ڈریس میں بھی الگ الگ علاقوں میں پولیس اہلکار گشت کرتے ہوئے نظر آئے۔ اس پورے بند کو لے کر ڈی سی پی شمال پریش دیش مکھ خود مانیٹرینگ کرتے ہوئے نظر آئے۔ Jaipur Bandh Successful