راجستھان کے دارالحکومت جے پور کے موتی ڈونگری علاقے میں چاقو مارکر قتل کرنے کا خوفناک معاملہ سامنے آیا ہے۔ یہ پورا معاملہ گزشتہ دیر شب کا بتایا جارہا ہے، فی الحال ایس ایم ایس پولیس تھانے کی ٹیم اس پورے معاملے میں تحقیقات کررہی ہے۔
جس نوجوان کا قتل ہوا ہے اس کا نام 'امن' بتایا جارہا ہے، نوجوان کے چچا کا کہنا ہے کہ ان کا بھتیجا امن اپنی دکان بند کرکے گھر آرہا تھا اس دوران اسےفون آیا جس کے بعد وہ واپس چلا گیا۔ باہر جانے کے بعد میں جب وہ واپس گھر کی جانب آرہا تھا تو وہ زخمی حالت میں تھا۔ اس موقع پر مقامی باشندوں نے مذکورہ شخص کو سوائی مان سنگھ ہسپتال میں داخل کیا۔ لیکن علاج کے دوران اس کی موت ہوگئی۔
جس طرح سے پورا معاملہ سامنے آیا ہے اس کے بعد مقامی رکن اسمبلی کالی چرن صراف موقع پر پہنچے اور پولیس محکمے کے افسران کے ساتھ بات کی اور جلد سے جلد معاملے کا خلاصہ کرنے پر زور دیا۔
