جئے پور: چلتی گاڑی میں آتشزدگی

ریاست راجستھان کے دارالحکومت جئے پور کے سینٹرل اسپائن کے پاس آج ایک چلتی گاڑی میں آگ لگ گئی۔ گاڑی میں سوار افراد نے گاڑی سے کود کر اپنی جانیں بچائیں۔ چلتی گاڑی میں آتشزدگی کے سبب مذکورہ علاقہ میں تھوڑی دیر کے لئے افراتفری کا ماحول پیدا ہوگیا۔

چلتی گاڑی میں اچانک آتشزدگی کے بعد مقامی لوگوں نے محکمہ فائر بریگیڈ اور پولیس کو اس کی اطلاع دی۔

فائر بریگیڈ کی گاڑیاں تاحال موقع ورادات پر نہیں پہنچی ہیں۔ تاہم ودیادھرنگر پولیس تھانے کی پولیس موقع پر پہنچ چکی ہے اور آگ پر قابو پالیا ہے۔

کار میں آتشزدگی کے سبب علاقہ میں کافی بھیڑ جمع ہوگئی۔ پولیس آتشزدگی کی وجوہات کا پتہ لگانے میں مصروف ہے۔

مقامی افراد موقع واردات پر بروقت فائر بریگیڈ کے عملہ کے نہ پہنچنے پر بر ہم ہیں۔ لوگوں کا کہنا ہے کہ جب آتشزدگی کی اطلاع دی گئی تو محکمہ کی ٹیم کیوں نہیں پہنچی؟

موقع پر موجود لوگوں نے آتشزدگی کے منظر کا ویڈیو بناکر سوشل میڈیا پر شیئر کیا ہے۔