اجمیر:ملک کی دوسری ریاستوں کی راجستھان کے اجمیر سمیت دیگر اضلاع میں یوم اردو کے موقع پر مختلف تقریبات کا اہتمام کیا گیا۔اجمیر شریف درگاہ علاقہ میں اجمیر مسلم ایجوکیشنل ویلفیئر سوسائٹی کی جانب سے یوم اردو پروگرام کا انعقاد کیا گیا۔تقریب میں دانشوروں نے اپنے خیالات کا اظہار کیا۔
اجمیر مسلم ایجوکیشنل ویلفیئر سوسائٹی کی جانب سے جمعرات کو عالمی یوم اردو منایا گیا۔ اس موقع پر علاقہ پنی گران چوک پر واقع انجمن سید زادگان کے تحت عثمانیہ خواجہ سینئر سیکنڈری اسکول میں ایک خصوصی پروگرام کا انعقاد کیا گیا, جس میں شہر بھر سے مخیر حضرات - دانشوروں نے شرکت کی اور اردو زبان پر اپنے خیالات کا اظہار کیا۔
سوسائٹی کے رکن عارف حسین نے بتایا کہ پروگرام کا آغاز دوپہر ایک بجے تلاوت قرآن شریف سے ہوا۔ اردو سے وابستہ معززین نے ملک میں اردو زبان کی ترقی، روزگار کے مواقع اور اس کے تعاون پر گفتگو کی۔ عارف حسین نے بتایا کہ یہ دن ہر سال اجمیر میں منایا جاتا ہے۔
یہ بھی پڑھیں:راجستھان بی جے پی کا بڑا اقلیتی چہرہ امین پٹھان کانگریس میں شامل
پروگرام میں نصیرآباد گورنمنٹ کالج کے پرنسپل ڈاکٹر قائد علی، گورنمنٹ معینیہ ہائیر سیکنڈری سکول کے سابق پرنسپل شاہد چشتی، انجمن سید زادگان کے رکن سید منور چشتی، ڈاکٹر نواز الحق, سابق پرنسپل معراج خان ۔ شفقت سلطانی،حاجی چاند خان، سینئر صحافی عارف قریشی، افتخار صدیقی سمیت شہر بھر کے معززین نے شرکت کی۔
