عازمین حج، حکومت کی نئی گائڈ لائن سے پریشان

نئےقوانین اور عمر کی حد کو لے کر بھی سوال کیے جارہے ہیں۔ کیوں کہ بہت سے لوگ زندگی بھر کی کمائی پونجی جمع کر کے 70 سے 75 برس کے درمیان سفر حج پر جاتے ہیں۔ اور نئی گائڈ لائن سے ایسے عازمین حج مایوس ہیں۔

بھارتی حکومت کی جانب سے آئندہ برس کے سفر حج کی گائیڈ لائن میں تبدیلی اور فارم فیس سے لے کر سفر حج کے تمام اخراجات کے اضافے نے عازمین حج کو بے چین کر دیا ہے۔

حج 2021 کے سفر کے لیے ایک فارم میں 3 شخص سے زیادہ نام درج نہیں ہو سکتے۔ایک عازم حج کی فیس 300 روپے ہوگئی ہے۔ جب کہ تین لاکھ 75 ہزار سے لے کر 5 لاکھ 25 ہزار تک ایک شخص کا خرچ آ سکتا ہے۔ اب سفرِ حج 30 سے 35 روز تک کا ہی ہوگا۔

نئی گائڈ لائن کے مطابق آئندہ سفرحج پر جانےکے لئے عازمین حج کی عمر 18 سے 65 برس کے اندر ہونی چاہیے اور کسی طرح کی بڑی کوئی بیماری نہیں ہونا چاہیے۔

عازمین حج کی بے چینی اور بے قراری میں اضافہ اس لئے بھی دیکھا جارہا ہے کہ انہیں سفر حج سے 72 گھنٹے قبل اپنا کورونا ٹیسٹ رپورٹ لینا لازمی ہوگا۔

نئےقوانین اور عمر کی حد کو لے کر بھی سوال کیے جارہے ہیں۔ کیوں کہ بہت سے لوگ زندگی بھر کی کمائی پونجی جمع کر کے کئی لوگ 70 سے 75 برس کے درمیان سفر حج پر جاتے ہیں۔ اور نئی گائڈ لائن سے ایسے عازمین حج مایوس ہیں۔