اجمیر درگاہ شریف حضرت خواجہ معین الدین حسن چشتی کے دربار سے جہاں دنیا بھر میں پیغام انسانیت دیا جاتا ہے تو وہی درگاہ دیوان سید زین العابدین علی خان نے بتایا کہ 'جلد ہی صوفی ازم کے ذریعے جموں و کشمیر میں امن کی فضا قائم ہوگی'۔
'صوفی ازم کے ذریعے کشمیر میں امن کی فضا قائم ہوگی' درگاہ دیوان سید زین العابدین علی خان نے واضح کیا کہ 'پاکستان کشمیر مسئلے کو غلط سمت دے کر مسلمانوں پر ظلم و ستم سے جوڑ رہا ہے۔'
انہوں نے کہا کہ 'صوفی ازم کے ذریعہ کشمیری ماؤں کو خوشحال زندگی جینے اور ملک کی ترقی کیلئے تعلیمی پیغام دیا جائے گا'۔
دہلی سے گیارہ اکتوبر کو 18 افراد پر مشتمل درگاہوں کے سجادہ نشین کا وفد جموں و کشمیر روانہ ہوگا اور 12 سے 14 اکتوبر تک یہ لوگ وہیں قیام کریں گے۔
اس وفد کی صدارت اجمیر شریف درگاہ کے دیوان سید زین العابدین علی خان کے جانشین سید نصیر الدین چشتی کریں گے۔ اس سفر کی اطلاع مرکزی حکومت کی جانب سے جموں و کشمیر کے گورنر کو دے دی گئی ہے۔
