شب معراج کے فضائل۔۔۔۔۔

شب معراج کی خصوصیات کو بیان کرتے ہوئے مولانا عمران اشفاقی نے بتایا کہ اس مقدس شب میں حضور صلی اللہ علیہ وسلم نے اللہ تعالی کا دیدار کیا تھا۔

ریاست راجستھان کے ضلع ناگور میں واقع قلندری مسجد کے امام مولانا عمران اشفاقی نے ای ٹی وی بھارت سے بات کرتے ہوئے شب معراج کے فضائل پر گفتگو کی۔

مولانا عمران اشفاقی نے اس شب کی خصوصیات بیان کرتے ہوئے کہا کہ یہ ایک عظیم الشان رات ہے، اس رات میں اللہ تعالی نے حضور صلی اللہ علیہ وسلم کو معراج کی سیر کرائی تھی، اللہ تعالی نے اسی رات میں نماز عطا کی۔ مسلمانوں کو چاہئے کہ وہ اس مقدس شب میں زیادہ سے زیادہ اللہ کی عبادت کریں، قرآن کی تلاوت کریں اور نماز ادا کریں۔

مولانا عمران اشفاقی کے مطابق تمام مسلمانوں کو چاہیے کی وہ حکومتی ایڈوائزری پرعمل کرتے ہوئے عبادت کریں، اللہ تعالی سے ملک میں امن و امان کی دعائیں کریں۔

اس شب کی خصوصیات کو بیان کرتے ہوئے مولانا عمران اشفاقی نے بتایا کہ اس مقدس شب میں حضور صلی اللہ علیہ وسلم نے اللہ تعالی کا دیدار کیا تھا۔

انہوں نے نوجوانوں سے اپیل کرتے ہوئے کہا کہ وہ محلہ میں ایک ساتھ جمع ہو کر نا بیٹھیں اور جو بھی چیز حکومت کی جانب سے نافذ کی گئی ہے اس پر عمل کریں۔