نشے کے عادی شخص نے اپنی بیوی فروخت کر دی

راجستھان کے ادے پور کے گھنٹاگھر پولیس اسٹیشن علاقے میں شرمناک واقعہ سامنے آیا ہے۔ یہاں ایک نشہ آور شوہر نے پیسے کی لالچ میں اپنی بیوی کو ایک دوست کے ہاتھوں فروخت کردیا۔

ریاست راجستھان کے ادے پور کے گھنٹاگھر تھانہ علاقے میں شوہر اور بیوی جیسا شرمناک واقعہ سامنے آیا ہے۔ متاثرہ خاتون نے اپنے ہی شوہر پر زبردستی جسمانی زیادتی کا الزام عائد کیا ہے۔ متاثرہ خاتون نے الزام لگایا ہے کہ 'اس کا شوہر منشیات کا عادی تھا۔

پیسے کے لالچ میں آکر اس نے اپنے دوست کو اپنی بیوی فروخت کردیا، جس کے بعد متاثرہ خاتون نے اس پورے معاملے کے بارے میں ادے پور پولیس کو شکایت کی ہے۔ متاثرہ خاتون نے بتایا کہ 'اس کا شوہر پیسوں کے لالچ میں اپنے دوستوں سے اس کا جسمانی استحصال کرتا تھا۔ وہ روزانہ شراب پیتا تھا اور مار پیٹ کرتا تھا۔ اس عادت سے پریشان متاثرہ خاتون نے پولیس سے اس پورے معاملے کی شکایت کی۔ اس کے بعد پولیس نے متاثرہ کا میڈیکل کرایا۔ فی الحال، پولیس نے ملزم شوہر اور اس کے دوست کو گرفتار کرلیا ہے۔

متاثرہ خاتون نے بتایا کہ 'جب اس نے اپنے شوہر کے ذریعہ ہونے والے بدسلوکی کے خلاف آواز اٹھائی تو اس کے شوہر نے اس کی فحش تصاویر کھینچ لیں اور اسے بلیک میل کرنا شروع کردیا۔ پریشان ہونے کے بعد متاثرہ خاتون نے پولیس کو پورے معاملے سے آگاہ کیا۔ وہیں پولیس اس معاملے میں دونوں ملزموں کو گرفتار کرکے معاملے کی تفتیش کررہی ہے۔