'عوامی مفاد کے لیے کام کرنے والے امیدوار کو ووٹ دیں گے'

راجستھان میں 25 پارلیمانی سیٹوں پر دو مرحلے میں انتخابات ہوں گے، اس تعلق سے دارالحکومت جئے پور کی مسلم خواتین سے ای ٹی وی بھارت نے خصوصی بات چیت کی۔

بھارتی الیکشن کمیشن نے ملک میں 7 مراحل میں عام انتخابات منعقد کرانے کا فیصلہ کیا تھا جس میں سے تین مراحل مکمل ہوچکے ہیں، اسی طرح ریاست راجستھان میں عام انتخابات کے لیے پولنگ 29 اپریل اور پانچویں مرحلے کی پولنگ 6 مئی کو ہوگی۔

یہاں کی خواتین کا کہنا ہے کہ اس پارلیمانی انتخابات کے لیے وہ مکمل طور پر تیار ہیں، پارلیمانی امیدوار سے متعلق ان کا کہنا ہے کہ جو عوامی مفاد کے لیے کام کرے اسی کو ووٹ دیں گے۔

ان خواتین کا مزید کہنا ہے کہ جس طرح سے برسراقتدار پارٹی نے شریعہ کے قانون کو تبدیل کرنے کی کوشش کی ہے وہ کافی زیادہ غلط ہے۔

وہیں ان خواتین کا یہ بھی کہنا ہے سیاسی پارٹیاں خواتین کو آگے لانے کی بات تو کہتے ہیں لیکن ان کو سیاست میں آگے نہیں آنے دیا جاتا۔