اجمیر شریف میں 808 سالہ عرس مبارک کی مٹینگ

اجمیر شریف درگاہ میں حضرت خواجہ معین الدین حسن چشتیؒ کا 808 واں عرس مبارک فروری میں منعقد ہوگا اس سلسلے میں درگاہ کمیٹی کے نمائندوں کی ایک میٹنگ ہوئی جس میں عرس کے انتظامات کے لیے کئی اہم فیصلے لیے گئے۔

ریاست راجستھان کے اجمیر شریف درگاہ میں تمام مذاہب کے لوگ آتے ہیں۔20 فروری کو خواجہ معین الدین حسن چشتی ؒ کا 808 واں عرس مبارک شروع ہو جائے گا۔اسی سے متعلق یہاں میٹنگ کی گئی ۔

عرس کے درمیان زائرین کی سہولیت اور حفاظت کے لیے پختہ انتظامات رہیں گے اسی طرح مختلف ریاستوں سے جلوس کی شکل میں پیدل سفر کرکے دہلی سے اجمیر تک آنے والے ہزاروں ملنگوں کے لیے دلی سے اجمیر کے درمیان درگاہ کمیٹی کی جانب سے میڈیکل اور لنگر کا بھی اہتمام کیا جائے گا۔

عرس انتظام کو لیکر درگاہ گیسٹ ہاؤس میں میٹنگ ہوئی جس میں کمیٹی کے صدر امین پٹھان سمیت7 ممبرز موجود رہے۔

درگاہ ناظم شکیل احمد، اسسٹنٹ ناظم الحاج محمد عادل اور شاداب احمد نے میٹنگ میں اس عرس انتظام کے سلسلے میں تمام روایتی رسم سے آگاہ کیا۔