ہاتھرس کیس: جے پور میں مسلم خواتین کا احتجاج

اترپردیش کے ہاتھرس میں ہوئے جنسی واردات کے معاملے کا غصہ دارالحکومت جے پور میں بڑھتا ہی جا رہا ہے۔

آج دارالحکومت جے پور میں مسلم خواتین کی جانب سے احتجاجی مظاہرہ کیا گیا۔ یہ احتجاجی مظاہرہ دارالحکومت جے پور کے کلیکٹر سرکل پر ویمن انڈیا موومینٹ کہ بینر تلے ہوا۔ نعرے بازی کرتے ہوئے خواتین نے یہ مطالبہ کیا کہ جلد سے جلد مجرموں کو پھانسی کی سزا دی جائے۔

مظاہرہ کے بعد تمام خواتین نے ضلع کلکٹر کو ایک میمورنڈم بھی دیا۔ ویمن انڈیا موومینٹ کی ریاستی جنرل سکریٹری فریدہ غذدر کا کہنا ہے کہ اترپردیش کے ہاتھرس میں جو درندگی کا معاملہ سامنے آیا ہے اس کو لے کر آج یہ پورا احتجاجی مظاہرہ کیا جا رہا ہے۔

فریدہ غذدر کا کہنا ہے کے جس طرح سے اترپردیش میں حالات چل رہے ہیں وہ صحیح نہیں ہیں۔ انہوں نے کہا کہ انسان ہونے کے ناطے اترپردیش کے وزیر اعلی یوگی آدتیہ ناتھ کو اپنا استعفا دے دینا چاہیے۔

انہوں نے متنبہ کیا ہے کہ اگر وقت رہتے مجرموں کو پھانسی نہیں دی جاتی تو ایک بڑا احتجاجی مظاہرہ آنے والے وقت میں دیکھا جاسکتا ہے۔ اس موقع پر ویمن انڈیا موومینٹ کے کئی کارکنان اور دیگر ممبران موجود تھے۔