ہنومان بینیوال نے لوک سبھا کی تینوں کمیٹیوں استعفی دے دیا

زرعی قوانین کو واپس لینے سمیت دیگر مطالبات کو لے کر راسٹریہ لوک تانترک پارٹی کے صدر ہنومان بینیوال نے لوک سبھا کے تینوں کمیٹیوں سے آج استعفی دے دیا ہے۔ انہوں نے کہا کہ ہمارے مطالبات مرکزی حکومت کی جانب سے اگر منظور نہیں کئے گئے تو ہماری پارٹی 26 دسمبر کو دہلی کوچ کرنے کا اعلان کرے گی۔

جےپور: آر ایل پی کے صدر ہنومان بینیوال نے آج لوک سبھا کے تینوں کمیٹیوں سے استعفی دے دیا

اس دوران انہوں نے کہا کہ “قومی مفادات کے لئے راسٹریہ لوک تانترک پارٹی نے مرکزی حکومت کے ساتھ اتحاد کیا تھا، آر ایل پی کسانوں کی پارٹی ہے اور جب مرکزی حکومت کسان مخالف قانون لے کر آرہی ہے تو پھر مرکزی حکومت کے ساتھ اتحاد میں رہنا مشکل ہے۔

ہنومین بینیوال نے کہا کہ میں لوک سبھا کی تینوں کمیٹیاں انڈسٹری کمیٹی ، پیٹرولیم کمیٹی ، پٹیشن کمیٹی سے استعفیٰ دے دیا ہوں مینے اپنا استعفی لوک سبھا اسپیکر کو بھج دیا ہو۔ اس کے ساتھ ہی ہم 26 دسمبر کو شاہ پور ہوتے ہوئے دہلی کوچ کریں گے جس میں تقریبا دو لاکھ سے زائد افراد شامل ہوں گے۔

انہوں نے کہا کہ اس کڑاکے کی سردی میں جس طرح سے دہلی بارڈر پر کسان بیٹھے ہوئے ہیں یہ شرمناک ہے، اس سے پہلے بھی ہماری پارٹی نے قومی شاہراہ پر احتجاج کیا تھا۔

راشٹریہ لوک تانترک پارٹی کا بی جے پی سے حمایت واپس لینے کا امکان

اس دوران ہم نے وزیر اعظم نریندر مودی اور وزیر داخلہ امیت شاہ کو ان تینوں قوانین کو واپس لینے کے لئے خط لکھا تھا۔جس میں ہم نے کہا تھا کہ اگر مرکزی حکومت ان تینوں قوانین کو واپس نہیں لیتی ہے تو ہمیں اتحاد توڑنے پر غور کرنا ہوگا۔ اس وقت انہوں نے ہم سے 7 دن کا وقت مانگا تھا جس کی مدت اب ختم ہوگئی ہے لیکن کسان مخالف قانون واپس نہیں لیا گیا ہے۔

انہوں نے کہا کہ اب مرکزی حکومت کے خلاف احتجاج کیا جائے گا، کسانوں کی حمایت میں 26 دسمبر کو دہلی کوچ کیا جائے گا۔