حج کمیٹی کی جانب سے جاری آرڈر کے مطابق حج کی پہلی قسط اور دستاویز جمع کرنے کی آخری تاریخ 15 فروری کر دی گئی ہے جو اس سے پہلے 5 فروری تھی۔
عازمین حج کا کہنا ہے کہ ' اس طرح کے آرڈر جاری ہونے کے بعد ان کو کافی راحت ملی ہے'۔
آپ کو بتا دیں چند روز قبل سینٹرل کمیٹی کی جانب سے ڈجیٹل ایکسرے رپورٹ کی لازمیت کو ختم کیا گیا ہے۔
وہیں ریاستی حج کمیٹی کے ٹرینر عزیز گوری نے ای ٹی وی بھارت سے بات چیت میں بتایا کہ 'گزشتہ ماہ سینٹرل حج کمیٹی کے ساتھ ایک میٹنگ ہوئی تھی جس میں یہ مسئلہ اٹھایا گیا تھا کہ حاجی اتنے جلدی پیسوں کا بندوبست کرکے کیسے جمع کروا سکتے ہیں، اس لیے اس فیصلے میں تبدیلی کی گئی ہے'۔
حج کمیٹی کے نئے آرڈر کے مطابق اب عازمین حج کو پہلی قسط کے طور پر 81000 روپے 15 فروری تک جمع کرانے ہوں گے جبکہ دوسری قسط یعنی ایک لاکھ بیس ہزار روپے 20 مارچ تک جمع کرانے ہوں گے۔
واضح رہے کہ راجستھان حج ویلفیئر سوسائٹی بھی اس مسئلہ کو اٹھا چکی ہے۔