ڈاکٹر خانو خان بودھوالی کا کہنا ہے کہ آج جس طرح کے حالات ہیں ان حالات کے مدنظر جو اجتماعی طور پر محبت مل پاتی تھی وہ نہیں مل پا رہی ہے۔
انہوں نے کہا کہ آج ہم تمام لوگوں کو چاہیے اس عالمی وبا سے جنگ کے لیے آگے آئیں اور اس وبا سے لڑنے کے لیے خاص طور پر جو سماجی دوری ہے اس کا خیال رکھا جائے۔
ڈاکٹر خانو خان بودھوالی نے کہا کہ ریاست کے وزیر اعلی اشوک گہلوت نے عید کے تہوار سے قبل سبھی مذہبی رہنماؤں کے ساتھ اجلاس کیا تھا اور اجلاس میں یہ مطالبہ کیا تھا کہ سبھی تہوار حکومت کی گائیڈ لائن کے مدنظر ہی منائے جائیں اور ہمیں خوشی ہے کی آج وہ تمام تہوار گائیڈ لائن کے مطابق ہی منائے جارہے ہیں۔
ڈاکٹر خانو خان بودھوالی نے ای ٹی وی بھارت کے ذریعہ عوام سے اپیل کرتے ہوئے کہا کہ حکومتی جو گائیڈ لائن جاری کررہی ہے اس گائیڈ لائن کا مکمل خیال رکھیں۔
انہوں نے کہا کہ چاہے جمعہ کی نماز ہو یا پھر کوئی دیگر نماز یا پھر کوئی پوجا کرنا سبھی طرح کی عبادات گھر پر ہی کریں، ہم حکومت کی گائیڈ لائن کا خیال رکھیں گے تو ہم کورونا کو شکست دے سکتے ہیں۔