ریاست راجستھان کے دارالحکومت جے پور میں حضرت غوث اعظم رضی اللہ تعالی عنہ کی شان میں جلوس غوثیہ نکالا جاتا ہے، جو اسلامی سال کے چوتھے ماہ کی گیارہ تاریخ کو ہوتا تھا۔
واضح رہے کہ آج اسلامی سال کے چوتھے مہینے کی 11 تاریخ ہے اور 11 تاریخ کے موقع پر جمعہ کی نماز کے بعد اس بار جلوس غوثیہ نہیں نکالا جائے گا۔
واضح رہے کہ آٹھ برس کی تاریخ میں یہ پہلی مرتبہ ایسا ہوگا جب یہ جلوس غوثیہ نہیں نکالا جائے گا۔
جلوس غوثیہ کمیٹی کے رکن مفتی خالد ایوب مصباحی نے بتایا کہ دارالحکومت جے پور کے عیدگاہ علاقے سے یہ جلوس روانہ ہوتا ہے اور مختلف راستوں سے ہوتا ہوا جے پور کے نزدیک تعالیٰ گاؤں میں واقع درگاہ پہنچتا ہے۔
اس درگاہ میں تمام روایتوں کو ادا کیا جاتا ہے اس کے بعد جلوس کے خاتمے کا اعلان کیا جاتا ہے، لیکن اس مرتبہ کورونا وباء اور دفعہ 144 نافذ ہونے کی وجہ سے جلوس غوثیہ کمیٹی کی جانب سے یہ بڑا فیصلہ لیا گیا ہے کہ اس مرتبہ کسی طرح کا کوئی بھی جلوس جے پور میں نہیں نکالا جائے گا۔
انہوں نے کہا کہ جمعہ کی نماز میں بھی غوث اعظم کی فضیلت کو بیان کیا جائے گا اور عوام اپنے گھروں پر ہی بزرگان دین کے نام کی نیاز دلائے گی اور لنگر تقسیم کیے جائیں گے۔
واضح رہے کہ دارالحکومت جے پور میں نکلنے والے جلوس غوثیہ میں ہزاروں کی تعداد میں عقیدت مند شرکت کرتے ہیں۔