جے پورکے اکثرعلاقوں میں کچرے کے انبار

جے پور کے رام گنج، چار دروازہ، سبھاس چوک، گنگا پول، عیدگاہ، پہاڑگنج سمیت دیگر علاقوں میں وقت پر صفائی نہیں ہوتی ہے۔

جے پور کے کئی علاقوں میں گندگی کا انبار لگا ہوا نظر آ رہا ہے اور یہاں پر مختلف قسم کی وبا بھی پیدا ہو رہی ہے۔ یہاں پر کچرا اٹھانے والی گاڑی بھی کبھی کبھی نظر آتی ہیں۔ وہی چند علاقے نائی کی تھٹی، خو ناگوریان، سڑوا سمیت کئی علاقے ایسے بھی ہیں جہاں پر سڑکوں کا تو نام و نشان ہی نظر نہیں آرہا ہے۔

وہی ابھی حال ہی میں مونسپل کارپوریشن کے انتخاب مکمل ہوئے تھے۔ ان انتخابات میں فتح حاصل کرنے والے امیدواروں کا کہنا تھا کہ ہم جے پور کی ترقی کے لئے کوئی بھی کسر نہیں چھوڑیں گے لیکن پھر بھی جس طرح سے علاقوں میں منظر نظر آرہا ہے اس کے مدنظر یہی کہا جاسکتا ہے کہ اگر ان علاقوں میں صفائی نہیں ہوتی یا سڑکوں کی تعمیر نہیں ہوتی تو دارالحکومت جے پور جو پورے عالم بھر میں گلابی شہر کے نام سے مشہور ہے ایسے منظر جے پور کے نام کو خراب کرتے ہوئے نظر آئیں گے۔

جے پور کے باشندوں کا کہنا ہے کی جب انتخاب ہوئے تھے تب ان امیدواروں کا کہنا تھا کہ ہم عوام کے لئے ترقی کے کام کریں گے لیکن ابھی تو کسی طرح کی کوئی ترقی یہاں پر نظر نہیں آرہی ہے۔ باشندوں کا کہنا ہے کہ جب غیر مسلم علاقوں میں ترقی ہو سکتی ہے تو مسلم علاقوں کو نظرانداز آخر کس وجہ سے کیا جا رہا ہے۔