راجستھان کے اجمیر رام گنج پولیس اسٹیشن Ramgunj Police Station میں دھوکہ دہی کا معاملہ درج کیا گیا ہے۔ پولیس کے مطابق نجی اداروں سے کم سود پر آسان قرضہ دلانے کے بہانے فراڈ کا ایک کیس Fraud Case درج کیا گیا ہے۔
اس معاملے میں اے ایس آئی منیرام نے بتایا کہ تھانہ علاقہ میں رہنے والے ریٹائرڈ ریلوے ملازم رنچھوڑ لال نے اپنے دوست ریٹائرڈ ریلوے ملازم کمل کشور کے خلاف دھوکہ دہی کا مقدمہ درج کرایا ہے۔
شکایت کنندہ نے شکایت کی ہے کہ کمل کشور نے اسے کسی نجی مالیاتی ادارے سے کم سود پر آسانی سے قرض دلانے کے بہانے اس کے گھر کے کاغذات اپنے پاس رکھے۔ ملزم کمل کشور کو ڈیڑھ لاکھ روپے کا قرض ادا کرنے کے باوجود وہ گھر کے کاغذات واپس نہیں کر رہا ہے۔ بلکہ کاغذات کے عوض 10 لاکھ روپے کا ناجائز مطالبہ کرتے ہوئے دھمکیاں بھی دے رہا ہے۔ پولیس نے شکایت کنندہ کی شکایت پر مقدمہ درج کرکے کارروائی شروع کردی ہے۔