جے پور: ایک ہی کنبے کے چار افراد کی خودکشی

فی الحال یہ قتل ہے یا کوئی اور معاملہ پولیس اسکی تحقیق کر رہی ہے۔

ریاست راجستھان کے دارالحکومت جے پور کے بسی علاقے میں ایک ہی خاندان کے چار لوگوں نے مبینہ طور پر خودکشی کر لی ہے، اطلاع موصول ہونے کے بعد موقع پر پہنچی پولیس نے تفتیش شروع کر دی ہے۔

بتایا جا رہا ہے کہ خودکشی کرنے والوں میں دو بچے اور ان کے والدین شامل ہیں، فی الحال یہ قتل ہے یا کوئی اور معاملہ پولیس اسکی تحقیق کر رہی ہے۔