خواجہ معین الدین چشتیؒ کی درگاہ پر حاضری کے دوران انہوں نے اپنی زندگی میں امن سکون اور ملک کی خوشحالی وترقی کے لیے دعا کی۔
ارون لال کی خواجہ کی درگاہ پر حاضری، دیکھیں ویڈیو یاد رہے کہ ارون لال راجستھان میں ایک ٹورنامنٹ میں شرکت کرنے آئے ہوئے ہیں۔
ہاتھو میں چادر اور من میں مراد لیے ٹیم انڈیا کے سابق کرکٹر ارون لال۔ جو مصروفیت کے درمیان وقت ملتے ہی خواجہ صاحب کی درگاہ میں حاضری دینے اجمیر شریف پہنچے۔
بھارتی ٹیم میں 16 ٹیسٹ میچ اور 13 یک روزہ میچ کھیلنے والے ارون لال نے صوفی حضرت خواجہ معین الدین حسن چشتیؓ کی بارگاہ میں چادر پیش کی اور اپنی زندگی میں امن وامان اور ترقی کی دعا مانگی۔
درگاہ پر حاضری کے بعد ارون لال نے میڈیا سے خطاب کرتے ہوئے کہا کہ موجودہ حالات میں بھارتی ٹیم دنیا کی نمبر ون ٹیم ہے اور روی شاستری، وراٹ کوہلی کے تال میل سے ٹیم بلند مقام پر پہنچ رہی ہے۔
ارون لال ان دنوں راجستھان کے جے پور میں یک روزہ ٹورنامنٹ وجے آزاد ٹرافی میں حصہ لینے آئے ہوئے ہیں, اور وہ اس وقت بنگال کی کوچنگ کو بھی انجام دے رہے ہیں۔
اجمیر شریف درگاہ میں ارون لال کو زیارت خادم سید واحد حسین انگارہ شاہ نے کرائی اور درگاہ کی دستاربندی کر تبرک پیش کیا۔
