چوروں کا یہ گروہ مختلف ریاستوں سے لکژری بسوں کی چوری کیا کرتا تھا۔
ضلع ایس پی کے مطابق 'ملزمین کا تعلق جودھپور اور اترپردیش سے ہے۔ ان کے گروہ کے سرغنہ کا تعلق دہلی سے ہے اور اس کا نام نایاب ملا ہے۔ ان پانچوں کے پاس سے گجرات، اترپردیش اور راجستھان کے نمبر کی تین کاریں بھی برآمد کی گئی ہیں۔'
26 جولائی کو رامپور کے ایک ڈرائیور دنیش راگھو نے اجمیر سول لائنز پولیس اسٹیشن میں ان کے خلاف شکایت درج کرائی تھی۔
دنیش نے پولیس کو بتایا کہ 25 جولائی کو اس نے مسافروں کو اجمیر لایا تھا جہاں انوراگ ہوٹل میں وہ رات کو رکا تھا اور صبح میں اپنی کار صاف کرکے ہوٹل میں واپس چلا گیا تھا۔ ہوٹل میں اسے مسافروں نے چائے پلائی اور وہ گہری نیند میں سو گیا جب وہ اٹھا تو معلوم ہوا کہ وہ اس کی کار لے کر فرار ہو گئے۔
پولیس چوروں سے پوچھ گچھ کر رہی ہے۔