Road Accident in Jalore: راجستھان میں سڑک حادثہ، پانچ افراد ہلاک

ضلع جالور کے قومی شاہراہ نمبر 325 پر آج صبح ایک سڑک حادثہ پیش آیا۔ اس حادثے میں 5 لوگوں کی موت ہو گئی۔ Road Accident in Rajasthan

جالور:ریاست راجستھان کے ضلع جالور کے آہور سب ڈویژن میں منگل کی صبح ایک سڑک حادثے میں 5 افراد کی موت ہو گئی۔ واقعہ کی اطلاع ملتے ہی ایس پی ہرش وردھن اگروالا اور ضلع کلکٹر نشانت جین بھی موقع پر پہنچ گئے۔ واقعہ کی اطلاع پر پہنچی پولیس نے پانچوں کی لاش قبضے میں لے کر سرکاری ہسپتال کے مردہ خانہ میں رکھوا دیا۔ ابھی تک لاشوں کی شناخت نہیں ہو سکی ہے۔ Five People Died in Road Accident in Rajasthan

معلومات کے مطابق قومی شاہراہ نمبر 325 پر ایک کار تخت گڑھ سے چرلی آہور آ رہی تھی۔ اس دوران آہور کے سداریہ پیاؤ کے قریب سڑک پر ٹائر پھٹنے سے گرینائٹ بلاک سے بھرا ایک ٹرک کھڑا تھا۔ کار کی رفتار تیز ہونے کے باعث کار بے قابو ہو کر پیچھے سے کھڑے ٹرک میں جا گھسی۔ حادثے میں کار میں سوار 5 افراد موقع پر ہی جاں بحق ہوگئے۔

قریبی لوگوں کو اطلاع ملنے کے بعد موقع پر پہنچے اور پولیس کو اطلاع دی۔ جس کے بعد پولیس نے موقع پر پہنچ کر لاشوں کو تحویل میں لے کر سرکاری اسپتال کے مردہ خانہ میں رکھوا دیا۔ پولیس کا کہنا ہے کہ لاشوں کی شناخت ہونا باقی ہے۔ پولس معاملے کی تحقیقات کر رہی ہے۔'

وہیں وزیر اعظم نریندر مودی نے ٹویٹ کرکے تعزیت کا اظہار کیا ہے۔ پی ایم مودی نے ٹویٹ کیا کہ جالور سڑک حادثہ میں جو لوگ ہلاک ہوئے ہیں ان لوگوں کے اہل خانہ سے تعزیت کا اظہار کرتا ہوں۔ ساتھ ہی سی ایم اشوک گہلوت نے بھی تعزیت کا اظہار کیا ہے۔ گہلوت نے ٹویٹ کیا کہ جالور میں چارلی گاؤں کے قریب سڑک حادثے میں 5 لوگوں کی موت انتہائی افسوسناک ہے۔