بوندی ضلع میں لاکھ سختیوں کے باوجود شادی اور پھر جرمانے کے طور پر موٹی رقم ادا کیے جانے کا صدمہ ایک بدنصیب والد برداشت نہ کر سکا اور وہ صدمے سے دنیا کو الوداع کہہ گیا۔ کاپرین نگر پالیکا علاقے کے اڑیلا گاؤں میں ہوئے اس حادثے نے انتظامیہ کی سختی پر سوالات کھڑے کیے ہیں۔
جانکاری کے مطابق اڑیلا گاؤں کے رہنے والے برج موہن مینا نے اپنی لڑکی کی شادی کی پوری تیاری کر رکھی تھی، منڈپ سجا تھا۔ لیکن سرکار کی طرف سے شادیوں پر 30 مئی تک پابندی کے درمیان گائد لائن پر عمل نہیں کرنے کی خبر پولیس کو لگی، انتظامیہ کے افسران نے ایک لاکھ روپیے کا چالان کاٹ کر لڑکی کے والد کو دیا۔
بدنصیب باپ نے انتظامیہ کے دباؤ میں 17 مئی کو چالان کی رقم ادا کر دی، اس سے تاب نہ لاکر 20 مئی کو وہ دنیا کو الوداع کہہ گیا۔ جمعہ کو گھر والوں نے ضلع کلکٹر کے نام ے تھانے میں میمورنڈم سونپا اور مالی مدد کی مانگ کی۔