جوناگڑھ: کرنٹ لگنے سے باپ بیٹے کی موت

جوناگڑھ کے کیشود علاقہ کے ایک کھیت میں بجلی کا اسٹارٹر درست کر رہے باپ بیٹے کی کرنٹ لگنے سے موت ہوگئی۔

گجرات میں ضلع جوناگڑھ کے کیشود علاقہ کے ایک کھیت میں بجلی کا اسٹارٹر ٹھیک کر رہے باپ بیٹے کی کرنٹ لگنے سے موت ہوگئی۔
پولیس نے بدھ کے روز بتایا کہ نانی گھنساری گاؤں میں مالدی بھائی ہڈیا اور ان کے بیٹے بھیمشی بھائی اپنے کھیت میں منگل کی شام بجلی کا اسٹارٹر ٹھیک کر رہے تھے۔ اس دوران دونوں کرنٹ کی زد میں آگئے۔

کرنٹ سے جھلس جانے کے کے بعد دونوں کو پسپتال میں داخل کرایا گیا جہاں ڈاکٹرز نے انہیں مردہ قرار دے دیا۔
فی الحال پولیس معاملہ درج کرکے تفتیش کررہی ہے۔