جےپور: زرعی قوانین کے خلاف ٹول پلازہ پر کسانوں کا احتجاج

زرعی قوانین کے خلاف کسانوں کے احتجاج میں دن بہ دن شدت آرہی ہے۔ اب کسانوں نے ٹول پلازہ فری کرنے کا فیصلہ کیا ہے۔ اسی تناظر میں آج راجستھان میں کسانوں کی جانب سے الور، بوندی سمیت دیگر ٹول پلازوں پر احتجاج کیا۔

احتجاجی مظاہرے کے دوران کسانوں کی جانب سے نکل رہی گاڑیوں کو بنا کسی ٹول کے روانہ کروایا گیا۔

اس دوران سینکڑوں کی تعداد میں موجود رہے اور وہ مودی حکومت کے خلاف نعرے بازی کرتے رہے۔ اس دوران کسانوں نے زرعی قوانین کو واپس لینے کا مطالبہ کیا۔

کسانوں کا کہنا ہے کہ جب تک ان قوانین کو واپس نہیں لیا جاتا ہے، تب تک ہم پیچھے ہٹنے والے نہیں ہیں۔

احتجاج کے دوران بھاری تعداد میں پولیس تعینات رہی۔

غورطلب ہے کہ زرعی قوانین کے خلاف آج کسان تنظیموں نے دہلی - جئے پور قومی شاہراہ جام کرنے کا انتباہ دیا ہے اور یہ بھی کہا ہے کہ وہ دہلی جانے والے راستوں پر آنے والے ٹول پلازہ کا ٹول ادا نہیں کریں گے۔