راجستھان حکومت کے خلاف ایونٹ ایسو سی ایشن کے کارکنان کا احتجاج

ریا ست راجستھان کے سوئی مادھو پورعلاقہ میں آج ایونٹ ایسو سی ایشن کےعہدیداران اورکارکنا ن نے اپنے مطالبات کو لے کلکٹریٹ کے سامنے احتجاج کیا۔ اور ضلع کلکٹر کو ایک میمورنڈم بھی پیش کیا ۔

ایونٹ ایسوسی ایشن کے ضلع صدر راجندر سنگھ کی قیادت میں کلکٹریٹ کے سامنے مظاہرہ کیا گیا۔ اور ریا ست کے وزیر اعلی کے نام ضلع کلکٹر کو ایک میمورنڈم پیش کیا گیا۔

مذکورہ تنظیم نے عہدیداروں نے وزیر اعلی اشوک گہلوت سے مطالبہ کیا گیا ہے کہ ریاست بھر میں شادیوں کی تقاریب میں 200 -300 مہمانوں کو شرکت کی اجازت دی جائے۔ تاکہ لائٹ،ایونٹ، ساؤنڈ،جنریٹر،پھول،بینڈ، سے وابستہ لوگوں کو روزگار مل سکے ۔

انہوں نے مزید کہا کہ کورونا کے سبب حکومت نے 8 جون تک پابند ی عائد کرنے کا اعلان کیا تھا ۔تاہم حکومت کی جانب سے آہندہ 30 جون تک شادی کی تقاریب پر پابندی عائد کی گئی ہے ۔

انہوں نے مزید کہا کہ مذکورہ شعبوں سے جڑے لوگوں کے ساتھ حکومت کا رویہ غیر مناسب ہے -

ایسی صورتحال میں حکومت کو پابندیوں کا خاتمہ کرنا چاہئے۔ اور شادی کی تقاریب میں دو سو سے تین سو افراد کو شرکت کی اجازت دی جا ئے ۔تاکہ ایونٹ ایسوسی ایشن سے وابستہ افراد کو روزگار مل سکے اور انہیں اپنے کنبوں کی پرورش میں کوئی پریشانی نہ ہو ۔