بکروں کی خرید و فروخت کا دور بھی آخری دور میں پہنچ چکا ہے۔ جے پور دہلی روڈ پر واقع عیدگاہ کے پاس بکرا منڈی لگائی گئی ہے۔
بکروں کو خریدنے کے لیے کثیر تعداد میں لوگ منڈی پہنچ رہے ہیں۔ وہیں اس بار بکرے کی قیمت سات ہزار روپے سے لے کر دو لاکھ روپے لگائی جا رہی ہے۔
الگ الگ نام کے بکرے بازار میں موجود : یہاں پر بکروں کو الگ الگ نام بھی دیا گیا ہے جن میں سلمان خان، شاہ رخ خان، اکشے کمار اور اور دیگر اداکاروں کے نام شامل ہیں۔
مہنگائی ہونے کی وجہ سے بکرا بیچنے کے لئے دارالحکومت جےپور پہنچے لوگوں کے چہروں پر تھوڑی سی مایوسی صاف طور پر نظر آ رہی ہے۔ لوگوں کا کہنا ہے کہ اس بار بازار اتنا اچھا نہیں ہیں جس طریقے سے ہم نے امید کی تھی۔ لوگوں کا کہنا ہے کی اس کے پیچھے بارش بھی ایک وجہ ہے۔
