عوامی نظم و ضبط کے تحت تعلیمی ادارے رہیں گے بند

راجستھان میں عالمی وبا کورونا کی دوسری لہر کو روکنے کے لئے منائے جارہے عوامی نظم و ضبط پندرہ روزہ کے ایک حصے کے طور پر ریاست کے تمام تعلیمی ادارے بند رہیں گے۔

وزیر تعلیم گووند سنگھ ڈوٹاسرا نےبتایا کہ کورونا انفیکشن کو روکنے کے لئے عوامی نظم و ضبط پندرہ روز کے لئے جاری ہدایات کی تعمیل کے مطابق پیر سے 3 مئی تک تمام اسکول اور دفاتر اور تعلیمی ادارے بند رہیں گے۔

اس ضمن میں جاری ہونے والے محکمے کے حکم کے مطابق ، اس دوران ، اساتذہ اور اہلکار جو کووڈ کے تحت ذمہ داری ادا نہیں کررہے ہیں ، اپنے ہیڈکوارٹر میں رہتے ہوئے ورک فروم ہوم کریں گے۔ موبائل آن کے موڈ میں رکھنا ہو گا۔

جن اساتذہ کی ضروری خدمات کے لئے ڈیوٹی نہیں لگی ہے ، وہ تمام اساتذہ اپنے گھر سے ہی امتحان کے نتائج تیار کرنے، تجزیہ اور طلبا کے لئے محکمے کی جانب سے چلائے جارہے اسمائل، اسمائل ۔ 2، ای۔ کلاس وغیرہ پروگرام کے تحت طلبا کے مطالعہ کے لئےان سے رابطے میں رہیں گے۔