جے پور کے پی ایف آئی دفتر پر ای ڈی کا چھاپہ

ریاست راجستھان کے دارالحکومت جے پور کے موتی ڈونگری روڈ علاقے میں واقع پاپولر فرنٹ آف انڈیا (پی ایف آئی) کے ریاستی دفتر پر آج ای ڈی کی جانب سے چھاپہ ماری کی گئی۔

یہ کارروائی صبح 11 بجے شروع ہوئی، تاہم دوپہر 2 بجے تک کارروائی جاری ہی رہی۔

پاپولر فرنٹ آف انڈیا کے دفتر پر ای ڈی کے چھاپہ کی اطلاع موصول ہوتے ہی کثیر تعداد میں لوگ پاپولر فرنٹ آف انڈیا دفتر کے باہر جمع ہوگئے۔

واضح رہے کہ دہلی، مہاراشٹر، مغربی بنگال، بہار، تامل ناڈو، کرناٹک، کیرالا سمیت 26 جگہوں پر آج ای ڈی کی جانب سے چھاپہ مارے گئے ہیں۔