مشہور اداکار عرفان خان پر بنے گی ڈاکیومینٹری فلم

بالی ووڈ فلموں کے مشہور اداکار عرفان خان جو کہ اب اس دنیا سے الوداع کہہ چکے ہیں، راجستھان سے جڑی ہوئی ان کی یادوں پر اب ایک ڈاکیومینٹری فلم بنائی جائے گی، اس ڈاکیومینٹری فلم کو خاص نام صاحبزادے آف راجستھان دیا گیا ہے، یہ فلم جلد ہی بنائی جائے گی۔

جے پور فلم فورم کے فاؤنڈر اور ڈاکومنٹری فلم کے ڈائریکٹر محسن خان نے بتایا کہ بالی ووڈ کے مشہور اداکار عرفان خان کی یاد میں ڈاکومنٹری فلم بنائی جائے گی۔

محسن خان نے بتایا کہ عرفان خان ایک اچھے اداکار تھے، جنہوں نے بھارت ہی نہیں بلکہ پوری دنیا میں اپنی اداکاری کا پرچم لہرایا اور بھارت کا نام دنیا بھر میں روشن کیا۔

محسن خان نے بتایا کہ عرفان خان ایک ایسے اداکار تھے جن پر ڈاکومنٹری فلم تو بن ہی نہی سکتی تھی، ہم تو بس عرفان خان کی راجستھان سے جڑی ہوئی یادوں کو بتا رہے ہیں۔'

انہوں نے بتایا کہ راجستھان کے ٹونک اور جے پور شہر سے عرفان خان کا کافی گہرا رشتہ رہا ہے۔

انہوں نے کہا کہ عرفان خان صاحب آج بھی ہمارے دلوں میں زندہ ہیں اور ہمیشہ ہی زندہ رہیں گے۔

انہوں نے مزید کہا کہ بتایا کہ اس سلسلے میں ہماری ٹیم کی جانب سے عرفان خان کے سب سے قریبی دوست راجستھان پولیس میں دی آئی جی حیدر علی زیدی سے ملاقات ہوئی ہے اور ان سے جڑی ہوئی یادوں کو اپنے کیمرے میں قید بھی کیا ہے ہے۔