احتجاج کی وجہ سے مریضوں اور ہسپتال کے حالات بگڑ چکے ہیں۔ یہاں پر علاج کرانے کے لیے ریاست کے الگ الگ جگہوں سے آئے ہوئے عوام کو کافی زیادہ دقتوں کا سامنا کرنا پڑ رہا ہے۔ عوام ڈاکٹرز کو ایک کمرے سے دوسرے کمرے میں بیٹھے ہوئے دیکھ رہے ہیں لیکن ڈاکٹرز کسی کا علاج نہیں کر رہے ہیں۔
ڈاکٹروں کے احتجاج کے بعد مریضوں کے حالات بگڑے واضح رہے کہ گزشتہ دو روز قبل ایس ایم ایس ہسپتال میں اپنی خدمات انجام دے رہے ریزیڈنٹ ڈاکٹروں کے ساتھ کچھ مریضوں کے رشتہ داروں نے مارپیٹ کی تھی جس کی وجہ سے ملزمین کو گرفتار کرنے کے لیے حکومت سے درخواست کی گئی تھی۔ ریزیڈنٹ ڈاکٹر اجیت باگڑا نے بتایا کہ ہر روز کسی نہ کسی ڈاکٹر کے ساتھ مارپیٹ ہوتی رہتی ہے۔ اس بارے میں ہسپتال انتظامیہ کو کئی بار بتایا گیا لیکن کسی طرح سے کوئی کاروائی نہیں ہونے کی وجہ سے ہم نے کام نہیں کرنے کا فیصلہ کیا ہے۔
ایک ایسا میلہ، جہاں ہم سفر کا انتخاب بھی
انہوں نے بتایا کہ ہم حکومت سے درخواست کرتے ہیں کہ ہسپتال میں سیکورٹی انتظامات سخت کیے جائیں، ساتھ ہی ایک ایسا نظام بنایا جائے جس سے ہم ضرورت پڑنے پر اس کا استعمال کر سکیں۔
انہوں نے بتایا کہ آج ہمیں حکومت نے بات چیت کرنے کے لیے بلایا ہے اگر حکومت ہماری بات مانتی ہے تو ہم دوبارہ سے کام پر لوٹ آئیں گے۔
