دیوالی کے موقع پر کئی مذہبی پروگرامز بھی منعقد کیے جا رہے ہیں۔ گھروں اور دفتروں میں پوجا کا اہتمام بھی کیا گیا۔ اس موقع پر بڑی تعداد میں ہندو مرد و خواتین نے مندروں میں جاکر پوجا کی۔
دیوالی کے موقع پر دارالحکومت جے پور کے بازار روشنی سے جگمگاتے نظر آئے۔ اس روشنی کو دیکھنے کے لیے جے پور ہی نہیں بلکہ ریاست کی الگ الگ جگہوں سے لوگ جے پور کے بازاروں میں پہنچے۔
دراصل بھگوان رام چودہ برس ونواس گزار کر ایودھیا واپس آئے تھے۔ اس کی خوشی میں لوگوں نے اپنے گھروں کو دیوں سے سجایا تھا۔ اسی لیے اس دن دیوالی منائی جاتی ہے۔ اس دن لکشمی کی پوجا کی جاتی ہے۔ جے پور میں تہوار کے موقع پر لوگوں نے اپنے گھروں کو سجایا ہے جس سے ہر طرف رونق نظر آ رہی ہے۔ چہار جانب قمقمے نظر آ رہے ہیں۔
دیوالی کے پانچ روزہ پروگرام کے تحت پیر کے روز گووردھن پوجا کا بھی اہتمام کیا جائے گا۔ اس پوجا کا ہندو مذہب میں ایک خاص مقام ہے، اس دن سب لوگ ایک دوسرے کو دیوالی کی مبارکباد دینے کے لیے ایک دوسرے کے گھر جاتے ہیں۔
پانچویں روز یعنی منگل کے روز ہندو رواج کے مطابق بہنیں اپنے بھائیوں کے ساتھ بھائی دوج منائیں گیں۔