الیکشن کمیشن کے ڈپٹی کمشنر کی اجمیر درگاہ پر حاضری

الیکشن کمیشن آف انڈیا کے ڈپٹی کمشنر چندر بھوشن کمار اپنے اہل خانہ کے ساتھ خواجہ معین الدین چشتیؒ کی درگاہ کی زیارت کی۔

چندر بھوشن کل اجمیر کے دورے پر رہے اور وقت ملتے ہی خواجہ غریب نواز کی بارگاہ میں حاضری دینے پہنچے، جہاں انہوں نے درگاہ خواجہ غریب نواز کی زیارت کی اور ان کی زندگی کے تعلق سے معلومات حاصل کیں۔

چندر بھوشن کو سلطان الہند حضرت خواجہ معین الدین چشتیؒ کی درگاہ میں زیارت سید مقدس معین نے کرائی۔ چندر بھوشن نے حضرت خواجہ غریب نواز کی بارگاہ میں کورونا وبا کے اس دنیا سے جلد از جلد خاتمے کی دعا مانگی تاکہ لوگوں کی خوشیاں دوبارہ بحال ہوسکے۔

چندر بھوشن نے زیارت کے بعد الیکشن کمیشن کے متعلقہ افسران سے ووٹر لسٹ کی تفصیلات حاصل کیں اور اس کے بعد وہ چتوڑ گڑھ کے لیے روانہ ہوئے لیکن اس دوران چندر بھوشن نے درگاہ زیارت کے دوران میڈیا سے دوری بھی بنائی رکھی۔