بس اڈہ کو منتقل کرنے کا مطالبہ

راجستھان ایگریکلچر ٹریڈ اینڈ انڈسٹریز ایسوسی ایشن نے دارالحکومت جے پور کے سندھی کیمپ بس اڈہ کو هيرا پورہ اجمیر روڑ پر منتقل کرنے کا ریاستی حکومت سے مطالبہ کیا ہے۔

ایسوسی ایشن کے صدر بنے چند جین اور جنرل سیکریٹری دنیش بھاٹیہ نے آج وزیر ٹرانسپورٹ پرتاپ سنگھ کو میمورنڈم پیش کر کے یہ مطالبہ ہے۔

بس اڈہ کو منتقل کرنے کا مطالبہ

جین نے بتایا کہ جے پور شہر میں ٹریفک کی مصروفیت کی وجہ سے ہمیشہ حادثے اور جام کی شکایت رہتی ہے۔

ریاستی حکومت نے بس اڈے کے لئے ہیرا پورہ میں زمین بھی لے رکھی ہے ایسے میں بس اڈہ کو منتقل کرنے میں تاخیر نہیں کی جانی چاہئے۔
انہوں نے کہا کہ هيرا پور ا کے پاس رنگ روڈ اور میٹرو اسٹیشن بنا ہوا ہے اور صرف بس اڈہ وہاں منتقل ہونے کے بعد شہر میں گاڑیوں کی نقل و حرکت کم ہونے سے شہر میں ٹریفک نظام بھی درست ہو گا۔

انہوں نے بتایا کہ ان کے مطالبہ پر پرتاپ سنگھ نے یقین دہانی کراتے ہوئے کہا کہ ہيرا پورہ میں نیا بس اڈہ عوام کی سہولت کے لئے کھولا جانا زیر غور ہے۔
اس سلسلے میں جلد ہی فیصلہ کیا جائے گا۔ اس موقع پر پرتاپ سنگھ نے ایسوسی ایشن کی سالانہ ڈائری کا بھی اجراء کیا ۔