اجمیر: محرم الحرام کے پیش نظر وزیر اعلی کو خط

اجمیر شریف درگاہ کے خادم ایس ایف حسن چشتی نے محرم کی رسومات کو لے کر وزیر اعلی اشوک گہلوت کو خط لکھا ہے, جس میں انہوں نے حکومت سے مطالبہ کیا ہے کہ محرم کی رسومات ادا کروانے کی ہدایت اجمیر ضلع انتظامیہ کو دی جائے۔

ریاست راجستھان میں اجمیر شریف درگاہ کے خادم ایس ایف حسن چشتی نے محرم کی رسومات کو لے کر وزیر اعلی اشوک گہلوت کو خط لکھا ہے, اس خط کے ذریعے چشتی نے حکومت سے مطالبہ کیا ہے کہ محرم کی مذہبی رسومات کو ادا کروانے کی ہدایت اجمیر ضلع انتظامیہ کو دی جائے۔

انہوں نے کہا کہ 'اجمیر شریف میں صوفی حضرت خواجہ معین الدین حسن چشتی رحمۃ اللہ علیہ کی درگاہ شریف اور مسلم علاقوں میں پیغمبر اسلام حضرت محمد مصطفیٰ صلی اللہ علیہ وسلم کے نواسے حضرت امام حسین علیہ السلام کی یاد میں کربلا کی مجلس کا اہتمام کیا جاتا ہے اور غم حسین منایا جاتا ہے, لیکن کورونا وبا کی وجہ سے اجمیر ضلع انتظامیہ محرم کے پروگرام کی اجازت دینے سے انکار کر رہی ہے ۔

انہوں نے یہ بھی کہا کہ 'اجمیر درگاہ سے جڑے عاشق حسین محرم کی رسم منانے کی خواہش رکھتے ہیں اور وہ چاہتے ہیں کہ راجستھان کی وزیراعلی کورونا گائیڈ لائن پر عمل کرتے ہوئے محرم کی تعزیہ داری اور مجلس قائم کرنے کی اجازت دیں۔