ریاست راجستھان کے دارالحکومت جے پور میں میونسپل کارپوریشن انتخابات کے لیے کل یعنی جمعرات کے روز ووٹ ڈالے جائیں گے۔ لیکن ووٹنگ سے ایک روز قبل جے پور کے وارڈ نمبر 23 سے آزاد امیدوار زائدہ بانو کی جانب سے ضلع الیکشن آفیسر اور ضلع کلکٹر کو خط لکھا گیا ہے۔
جے پور میونسپل کارپوریشن انتخابات کے پیش نظر سیکیورٹی سخت کرنے کا مطالبہ زائدہ بانو نے اپنے خط میں لکھا ہے کہ جے پور نگر نگم ہیریٹیج ہوا محل اسمبلی حلقے کے وارڈ نمبر 23 میں مسلم اکثریت اور کچی بستی ہونے کی وجہ سے یہ علاقہ انتہائی حساس علاقہ ہے۔
یہ بھی پڑھیے: اجمیر: عباسی سماج کا الیکشن مکمل
اس علاقے میں گذشتہ انتخابات میں بھی ووٹنگ بوتھ پر سیکیورٹی انتظامات میں گڑبڑی نظر آئی تھی۔ ایسے میں اس مرتبہ بھی پوری گنجائش ہے کہ کئی علاقے میں ماحول خراب ہوسکتا ہے۔ اس لیے ہمارے علاقے میں پولیس بٹالین تعینات کی جائے اور بی ایس او کو بھی سیکیورٹی کا زمہ داری دی جائے۔
آزاد امیدوار زائدہ بانو کے شوہر حاجی نواب چرانیا نے بتایا کہ کچھ لوگ انتخابات کو لیکر ماحول خراب کروانا چاہتے ہیں۔ اس لیے ہم نے ضلع کلکٹر، ضلع الیکشن آفیسر، ایس پی سمیت دیگر لوگوں کو خط لکھا ہے۔
حاجی نواب کا کہنا ہے کہ کل ایک اجلاس ہوا تھا اس میں بھی سیکیورٹی کے تعلق سے بات چیت کی گئی تھی۔
